London Watson kompaniyasining bozor kapitallashuvi Nyu-York fond birjasida 2 milliard dollarga yetdi

Xitoylik Londian Wason New Energy Tech kompaniyasining aksiyalari Nyu-York fond birjasida muvaffaqiyatli savdolarni boshladi. Birinchi kuni kompaniyaning bozor kapitallashuvi 2,01 milliard dollarga yetdi, bu esa oxirgi bir yildan ortiq vaqt ichida AQShdagi xitoylik kompaniyaning eng yirik IPOʻsi boʻldi.

Shenchjenda joylashgan ishlab chiqaruvchining aksiyalari birjada 26 dollardan ochildi, joylashtirish narxi esa 22 dollarni tashkil etgan edi. Dastlabki ommaviy taklif orqali kompaniya 94,3 million dollar jalb qildi.

Soʻnggi yillarda AQSh fond birjalaridagi xitoylik kompaniyalar soni kamayib bormoqda. Buning sababi Vashington va Pekin oʻrtasidagi keskin munosabatlar hamda xitoylik kompaniyalar ustidan nazoratning kuchaytirilishi bilan bogʻliq.

Londian Wason mis folga ishlab chiqaradi, u litiy-ion batareyalar, elektromobillar, 5G qurilmalari, elektronika va energiya saqlash tizimlarida qoʻllaniladi. Ushbu mahsulotga talab, ayniqsa, elektromobillar va sunʼiy intellekt uchun zarur texnologiyalarning kengayishi fonida ortib bormoqda.

Tahlilchilar yana bir holatga eʼtibor qaratmoqda. 2025-yilda Londian Wasonning daromadining taxminan 64 foizi beshta yirik mijozdan tushgan, shuning uchun kompaniyaning mijozlar bazasini qanchalik yaxshi kengaytira olishi va daromad oʻsishini saqlab qolishi investorlar uchun muhim boʻladi.

Manba: Investing.com