5 კომპანია, რომელიც ნახევარგამტარების ინდუსტრიაში ლიდერობს

ხელოვნური ინტელექტის განვითარება საფონდო ბირჟაზე ნახევარგამტარების სექტორის მიმართ ინტერესს ზრდის. ამ მიმართულებით კომპანიები ტრილიონობით დოლარს ხარჯავენ და მიუხედავად აქციების პერიოდული ვარდნისა, ახალი მონაცემთა ცენტრებისა და ჩიპების წარმოებაში ინვესტიციები გრძელდება.

ამ სექტორში ხუთი კომპანია გამოირჩევა:

Nvidia ხელოვნური ინტელექტისთვის საჭირო გრაფიკული პროცესორების მთავარი მიმწოდებელია. კომპანიის ახალ პროდუქტებზე მოთხოვნა კვლავ მაღალია და გაყიდვების ზრდა, სავარაუდოდ, 2027 წლამდეც გაგრძელდება.

Taiwan Semiconductor Manufacturing Company (TSMC) მსოფლიოში მოწინავე ჩიპების უდიდეს ნაწილს აწარმოებს. კომპანიას ამ სფეროში თითქმის არ ჰყავს კონკურენტი, ამიტომ ხელოვნურ ინტელექტზე მოთხოვნის ზრდა მის ბიზნესზეც პირდაპირ აისახება.

Broadcom აწარმოებს მოწყობილობებს, რომლებიც მონაცემთა ცენტრებში ათასობით ჩიპის ერთმანეთთან დაკავშირებას უზრუნველყოფს. ასეთი სისტემების გარეშე დიდი მოცულობის მონაცემების სწრაფად დამუშავება შეუძლებელია.

Micron Technology მაღალსიჩქარიან მეხსიერების ჩიპებს აწარმოებს, რომლებიც ხელოვნური ინტელექტის სისტემებისთვის აუცილებელია.

ASML ერთადერთი კომპანიაა, რომელიც თანამედროვე ჩიპების დასამზადებლად საჭირო უახლეს დანადგარებს აწარმოებს, ამიტომ ჩიპების მწარმოებლების ზრდა ASML-ის შემოსავალზეც დადებითად აისახება.

ამ სექტორში ინვესტირებას რისკებიც ახლავს. მათ შორისაა აქციების მაღალი ფასი, მოთხოვნის პერიოდული შემცირება და გეოპოლიტიკური დაძაბულობა. სპეციალისტები ინვესტორებს კომპანიების გრძელვადიან განვითარებაზე ყურადღების გამახვილებას ურჩევენ.

წყარო: Yahoo Finance