Abbott კვების ბიზნესს ცალკე კომპანიად გამოყოფს

Abbott Laboratories კვების პროდუქტების ბიზნესს ცალკე კომპანიად ჩამოაყალიბებს. მასში შევა Similac-ის ჩვილის საკვები, Ensure-ის სასმელები და სხვა ბრენდები. ამ მიმართულებამ გასულ წელს 8 მილიარდ დოლარზე მეტი შემოსავალი მიიღო. ცვლილების დასრულება 2027 წელს იგეგმება.

უნდა აღინიშნოს, რომ ბიზნესი ამჟამად რამდენიმე პრობლემის წინაშე დგას. კომპანიამ აშშ-ის მთავრობის მნიშვნელოვანი კონტრაქტი დაკარგა, წარმოების ხარჯები გაიზარდა, გაძვირებულმა პროდუქტებმა კი მოთხოვნა შეამცირა.

Abbott-ს ჩვილის საკვების ბიზნესთან დაკავშირებული პრობლემები 2022 წლიდან მოჰყვება. მაშინ კომპანიამ პროდუქციის ნაწილის გაყიდვა შეაჩერა და მიჩიგანის ქარხანა დროებით დახურა. ახლა მას სასამართლო დავებიც აქვს გარკვეულ პროდუქტებთან დაკავშირებით.

Abbott-მა წლიური გაყიდვების ზრდის პროგნოზი 6.5-7.5%-დან დაახლოებით 6%-მდე შეამცირა. მესამე კვარტალში კომპანიის შემოსავალმა 13.01 მილიარდი დოლარი შეადგინა, კორექტირებული მოგება კი ერთ აქციაზე 1.42 დოლარი იყო.

Abbott-ის ხელმძღვანელობა ფიქრობს, რომ ცალკე გამოყოფილი კვების ბიზნესი დამოუკიდებლად უფრო სწრაფად შეძლებს განვითარებას.

წყარო: Reuters