გადადი ძირითად შინაარსზე
Traders' Hub
ბლოგზე დაბრუნება
საფონდო

ახლო აღმოსავლეთში დაძაბულობის გამო ევროპული აქციები იაფდება

მარიამ ქადარია10 ივლისი, 20262 წთ კითხვა
ახლო აღმოსავლეთში დაძაბულობის გამო ევროპული აქციები იაფდება

ახლო აღმოსავლეთში სამხედრო დაპირისპირების გამწვავებამ ევროპულ საფონდო ბირჟებზე ვითარება შეცვალა. ნავთობის გაძვირების გამო კვლავ გაიზარდა ინფლაციის ზრდის რისკი.

პარასკევს ევროპული აქციები თავდაპირველად ტექნოლოგიური კომპანიების კარგი შედეგების ფონზე ძვირდებოდა, თუმცა მოგვიანებით კლება დაიწყო. მიზეზი აშშ-სა და ირანს შორის სამხედრო დაპირისპირების შესახებ გავრცელებული ინფორმაცია გახდა.

პანევროპული STOXX 600 ინდექსი კვირის განმავლობაში დაახლოებით 2%-ით შემცირდა. ეს აპრილის შუა რიცხვების შემდეგ ყველაზე დიდი ერთკვირიანი ვარდნაა.

აქციების ფასებზე გავლენა მოახდინა აშშ-ის ავიაიერიშებმა ირანულ სამიზნეებზე და ირანის საპასუხო თავდასხმებმა. დაპირისპირების გამო ჰორმუზის სრუტეში გემების მოძრაობა თითქმის შეჩერდა. ეს მარშრუტი ნავთობის საერთაშორისო მიწოდებისთვის განსაკუთრებით მნიშვნელოვანია.

Brent-ის მარკის ნავთობის ფასი ბარელზე 77 დოლარამდე გაიზარდა. ნავთობის გაძვირება ინფლაციის ზრდის საფრთხეს აჩენს და ამცირებს იმის ალბათობას, რომ ცენტრალური ბანკები საპროცენტო განაკვეთებს მალე შეამცირებენ.

გეოპოლიტიკური ვითარების გამო ინვესტორების ყურადღების მიღმა დარჩა სამხრეთკორეული კომპანია SK Hynix-ის მიერ აშშ-ის ბირჟაზე 26.5 მილიარდი დოლარის მოზიდვაც. ეს ისტორიაში ერთ-ერთი ყველაზე მასშტაბური აქციების პირველადი საჯარო შეთავაზებაა (IPO).

მიუხედავად ბაზარზე არსებული დაძაბულობისა, რამდენიმე კომპანიის აქციები გაძვირდა. EasyJet-ის აქციების ფასი 13%-ით გაიზარდა,Vodafone-ის აქციები 12%-ით გაძვირდა, St James’s Place-ის აქციების ფასი კი დაახლოებით 5%-ით შემცირდა.

წყარო: Invetsing.com

ჟურნალი შენს ელფოსტაში

მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.

მსგავსი სტატიები

მაკრო20 ნოე. 20262 წთ კითხვა

Canadian Natural Resources-ის აქციები 1.9%-ით დაეცა

Advantage Energy-ის C$2.53-მილიარდიანი შეძენის დაფინანსებასთან დაკავშირებული კითხვები და ბაზარზე არსებული ნეგატიური განწყობა კომპანიის აქციებზე ზეწოლას ზრდის.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Fed-ი საბანკო ზედამხედველობის შესუსტების რისკზე საუბრობს

ფედერალურ სარეზერვო სისტემაში მიმდინარე მარეგულირებელმა ცვლილებებმა შესაძლოა დროთა განმავლობაში საბანკო სექტორის უსაფრთხოება შეამციროს.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Procter & Gamble 2030 წლამდე ხარჯების შემცირებას გეგმავს

კომპანია პროდუქტიულობის ზრდისა და ხარჯების ოპტიმიზაციის გზით დანაზოგის მიღებას გეგმავს.

ნუცა ტყეშელაშვილიწაიკითხე