Alibaba ხელოვნურ ინტელექტში ინვესტირებისთვის $10.2 მილიარდის აქციებს გაყიდის
Alibaba ჰონგ-კონგის ბირჟაზე 80 მილიარდი ჰონგ-კონგური დოლარის, დაახლოებით 10.2 მილიარდი აშშ დოლარის ღირებულების აქციებს გაყიდის. მიღებული თანხა მთლიანად ხელოვნური ინტელექტის განვითარებას მოხმარდება.
კომპანია 710 მილიონი აქციის გაყიდვას გეგმავს, თითოეულის ფასი 112.70 ჰონგ-კონგური დოლარი იქნება. თუ გარიგება დასრულდება, ეს ჰონგ-კონგის ბირჟაზე რეგისტრირებული კომპანიის მიერ დამატებითი აქციების გაყიდვის ყველაზე დიდი შემთხვევა იქნება.
Alibaba თანხის ჩიპებში, საჭირო ტექნიკურ ინფრასტრუქტურასა და ხელოვნური ინტელექტის მოდელების შექმნასა და დანერგვაში დახარჯვას გეგმავს.
Alibaba-მ გასულ კვირას განაცხადა, რომ ხელოვნურ ინტელექტზე დაგეგმილი სამწლიანი ინვესტიციების თითქმის ნახევარი უკვე დახარჯა. მეორე კვარტალში კომპანიის წმინდა მოგება წლიურად 75%-ით შემცირდა, რაც დიდწილად ამ მიმართულებით გაზრდილ ხარჯებს უკავშირდება.
აქციების შეთავაზებაზე მოთხოვნა მაღალი აღმოჩნდა. გარიგებით დაინტერესდნენ სახელმწიფო საინვესტიციო ფონდებიც, რის შემდეგაც Alibaba-მ გასაყიდი აქციების მოცულობა გაზარდა.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
