Amazon Qualcomm-ისგან $60 მილიარდამდე ღირებულების AI ჩიპებს შეიძენს

Amazon-მა Qualcomm-თან გრძელვადიანი შეთანხმება გააფორმა, რომელიც კომპანიას $60 მილიარდამდე ღირებულების AI ჩიპებისა და სხვა ტექნიკის შეძენის შესაძლებლობას აძლევს. კომპანიები Amazon-ის მონაცემთა ცენტრებისთვის სპეციალურ ჩიპებსაც ერთად შექმნიან.

შეთანხმების ნაწილი Qualcomm-ის აქციებსაც ეხება. Amazon მიიღებს უფლებას, დაახლოებით $4 მილიარდის აქციები წინასწარ განსაზღვრულ ფასად შეიძინოს. ეს უფლება ეტაპობრივად ამოქმედდება და დამოკიდებული იქნება იმაზე, რამდენ პროდუქციას იყიდის Amazon Qualcomm-ისგან.

Qualcomm წლების განმავლობაში ძირითადად სმარტფონებისთვის განკუთვნილი ჩიპებით იყო ცნობილი. ამჟამად კომპანია მონაცემთა ცენტრების ბაზარზე ფართოვდება, სადაც Nvidia ლიდერობს.

Qualcomm Amazon-ისთვის სპეციალურ ჩიპებს შექმნის, რომლებიც უკვე გაწვრთნილი AI მოდელების მუშაობას უზრუნველყოფს. შეთანხმება ასევე მოიცავს ტექნოლოგიას, რომელიც მონაცემთა ცენტრებში ინფორმაციის გადაცემას დააჩქარებს.

Qualcomm-ის მიზანია, მონაცემთა ცენტრებისთვის განკუთვნილი პროდუქციიდან მიღებული წლიური შემოსავალი 2029 წლისთვის $15 მილიარდამდე გაზარდოს.

წყარო: Reuters