AMD-ის აქციების ფასი რეკორდულად გაიზარდა
AMD-ის აქციების ფასი ბოლო ერთ წელში 300%-ზე მეტით გაიზარდა და ისტორიულ მაქსიმუმს მიაღწია. მიუხედავად ასეთი ზრდისა, ანალიტიკოსების ნაწილი მიიჩნევს, რომ ხელოვნური ინტელექტის ბაზარზე კომპანიას დამატებითი შესაძლებლობები ისევ აქვს.
2026 წლის პირველ კვარტალში AMD-ის შემოსავალი 38%-ით გაიზარდა და 10.3 მილიარდ დოლარს მიაღწია. განსაკუთრებით მნიშვნელოვანი იყო მონაცემთა ცენტრების მიმართულება, სადაც გაყიდვები 57%-ით გაიზარდა. ამავე პერიოდში კომპანიის მოგება ერთ აქციაზე 43%-ით გაიზარდა.
AMD-ისთვის მნიშვნელოვანი შესაძლებლობა ე.წ. აგენტური ხელოვნური ინტელექტის განვითარებას უკავშირდება. ეს არის სისტემები, რომლებსაც დავალებების შესრულება ადამიანის მუდმივი ჩარევის გარეშე შეუძლიათ. ასეთ მოდელებს მხოლოდ გრაფიკული პროცესორები არ სჭირდებათ. იზრდება ცენტრალურ პროცესორებზე მოთხოვნაც, რაც AMD-ისთვის ხელსაყრელი ფაქტორია, რადგან მისი EPYC პროცესორები სერვერების ბაზარზე ძლიერ პოზიციას იკავებს.
რისკებიც რჩება. AMD კონკურენციას უწევს Intel-სა და Nvidia-ს, რომლებიც ხელოვნური ინტელექტისთვის საკუთარ პროცესორებს ავითარებენ. AMD-ის აქციები ამჟამად საკმაოდ ძვირია, ამიტომ კომპანიის სუსტმა ფინანსურმა შედეგებმა შესაძლოა მათი ფასი შეამციროს, თუმცა კომპანიის შემოსავლების ზრდა, მონაცემთა ცენტრების მიმართულების გაძლიერება და პროცესორებზე მზარდი მოთხოვნა AMD-ს ინვესტორებისთვის კვლავ საინტერესო კომპანიად ტოვებს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
