Anthropic-მა ხელოვნური ინტელექტისთვის ახალი ტექნოლოგია წარადგინა
Anthropic-მა Model Hardware Standard-ის საცდელი ვერსია წარადგინა, რომელიც ხელოვნური ინტელექტის სისტემებს ლაბორატორიებსა და საწარმოებში სხვადასხვა მოწყობილობის მართვის საშუალებას აძლევს.
ახალი სტანდარტით ერთ სისტემას რამდენიმე ტიპის მოწყობილობასთან მუშაობა შეუძლია, მათ შორის მიკროსკოპთან, სითხეების დასამუშავებელ დანადგართან და რობოტულ მკლავთან.
Anthropic-ის თქმით, მთავარი მიზანია სხვადასხვა აპარატურის დაკავშირება გაცილებით სწრაფი და მარტივი გახდეს.
პროექტს უკვე რამდენიმე კომპანია უერთდება. მათ შორის არიან Amazon Web Services, Tecan, Universal Robots, Danaher, Doosan Robotics და QIAGEN. ისინი სტანდარტს საკუთარ ლაბორატორიულ მოწყობილობებსა და რობოტულ სისტემებში გამოიყენებენ და მის მუშაობას შეაფასებენ.
Anthropic ჯერ საცდელ ეტაპზეა და პარტნიორებთან ერთად უსაფრთხოების საკითხებსაც შეისწავლის. მოგვიანებით კომპანია სტანდარტის კოდის საჯაროდ გამოქვეყნებას გეგმავს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
