Anthropic Nscale-თან $45-მილიარდიან შეთანხმებას აფორმებს

Anthropic-მა Nscale-თან ექვსწლიანი, 45 მილიარდი დოლარის ღირებულების შეთანხმება გააფორმა. კომპანია დასავლეთ ვირჯინიაში მდებარე Nscale-ის მონაცემთა ცენტრის სიმძლავრეს საკუთარი ხელოვნური ინტელექტის მოდელების მუშაობისთვის გამოიყენებს.

Nscale Anthropic-ისთვის Nvidia-ს Vera Rubin ჩიპებს გამოიყენებს. შეთანხმება დაახლოებით 460 მეგავატ სიმძლავრეს მოიცავს, რაც დაახლოებით 345 ათასი ამერიკული სახლის ერთდროულ ელექტრომომარაგებას შეესაბამება.

Anthropic ბოლო თვეებში მსგავსი მასშტაბური შეთანხმებების დადებას აქტიურად აგრძელებს. კომპანიას უკვე აქვს 50 მილიარდი დოლარის შეთანხმება Fluidstack-თან, 10 მილიარდიანი Volta Infra Holdings-თან და 45 მილიარდიანი SpaceX-თან.

Nscale-ის დასავლეთ ვირჯინიის პროექტი საბოლოოდ სამ შენობას მოიცავს და საერთო სიმძლავრე 1.35 გიგავატი იქნება. მთელი კომპლექსის მშენებლობა და ადგილზე ელექტროსადგურის მოწყობა დაახლოებით 71 მილიარდი დოლარი დაჯდება, საიდანაც 47 მილიარდი ხელოვნური ინტელექტისთვის საჭირო ჩიპებზე დაიხარჯება.

წყარო: Investing.com