Apple ჭკვიანი სათვალეების გამოშვებას აჭიანურებს
ანალიტიკოს მინგ-ჩი კუოს ინფორმაციით, კომპანიის ეკრანიანი ჭკვიანი სათვალეები, რომელთა გამოშვებაც უახლოეს წლებში იყო მოსალოდნელი, ბაზარზე სავარაუდოდ მხოლოდ 2029 წელს გამოჩნდება.
ცვლილებები Vision Pro-ს პროექტსაც ეხება. არსებული ინფორმაციით, Apple ამ ხაზის შემდგომ განვითარებას აღარ გეგმავს და რესურსებს სხვა პროდუქტებზე გადაანაწილებს. ანალიტიკოსის შეფასებით, ამის მიზეზი Vision Pro-ს შეზღუდული კომერციული წარმატებაა, რადგან მოწყობილობა ფართო მომხმარებლისთვის ზედმეტად ძვირი აღმოჩნდა.
ამავდროულად, კომპანია აგრძელებს მუშაობას უფრო მარტივ ჭკვიან სათვალეებზე, რომლებსაც ეკრანი არ ექნება. მათი გამოშვება 2027 წლისთვის არის მოსალოდნელი. ეს პროდუქტი ფუნქციურად Meta-სა და Ray-Ban-ის ერთობლივ სათვალეებს დაემსგავსება და Apple-ის მომავალი სტრატეგიის ერთ-ერთ მნიშვნელოვან მიმართულებად განიხილება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
