Apple-მა პირველი დასაკეცი iPhone წარადგინა
Apple-მა პირველი დასაკეცი სმარტფონი, Duo წარადგინა. მოწყობილობა დახურულ მდგომარეობაში პასპორტის ზომისაა, გახსნის შემდეგ კი ფართო ეკრანად გარდაიქმნება. კომპანიის განცხადებით, Apple-ის ყველაზე თხელი ტელეფონია.
ეს Apple-ის სმარტფონების დიზაინში ბოლო წლების ერთ-ერთი ყველაზე დიდი ცვლილებაა. დასაკეცი ტელეფონების ბაზარზე უკვე მუშაობენ Samsung, Huawei და Xiaomi, თუმცა ეს კატეგორია მასობრივ პროდუქტად ჯერ არ ქცეულა. IDC-ის პროგნოზით, დასაკეცი სმარტფონების გაყიდვები 2026 წელს თითქმის 30%-ით გაიზრდება.
პრეზენტაცია კომპანიის ახალი აღმასრულებელი დირექტორის, ჯონ ტერნუსის პირველი დიდი ღონისძიებაც იყო. Apple-მა ასევე წარადგინა iPhone 18 Pro და Pro Max, ახალი AirPods და Apple Watch-ის განახლებული მოდელები. iPhone კომპანიისთვის კვლავ მთავარ პროდუქტად რჩება.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
