აშშ ენერგეტიკისთვის საჭირო ჩიპების განვითარებას $389 მილიონით დააფინანსებს

აშშ-ის ვაჭრობის სამინისტრო ოთხი კომპანიისთვის ჯამში 389 მილიონ დოლარამდე გამოყოფს ნახევარგამტარების, ენერგეტიკული ტექნოლოგიებისა და ჩიპების წარმოებისთვის საჭირო მასალების კვლევაზე. სანაცვლოდ მთავრობა თითოეულ კომპანიაში მცირე წილს მიიღებს, თუმცა ხმის უფლება არ ექნება და მათ მართვაში არ ჩაერთვება.

Helion 175 მილიონ დოლარამდე მიიღებს მაღალი ძაბვის ნახევარგამტარებისა და ბირთვული შერწყმის ენერგიისთვის საჭირო ტექნოლოგიების შესაქმნელად.

Commonwealth Fusion Systems-ს კი 85 მილიონი დოლარი გადაეცემა რადიაციისადმი გამძლე ელექტრონიკისა და რობოტული სისტემების განვითარებისთვის.

Vertical Semiconductor, რომელიც MIT-დან შეიქმნა, 73 მილიონ დოლარამდე მიიღებს გალიუმის ნიტრიდის ჩიპების განვითარებისთვის. ასეთი ჩიპები მონაცემთა ცენტრებში ელექტროენერგიის უფრო ეფექტიანად გამოყენებას უწყობს ხელს.

56 მილიონი დოლარი Sibelco North America-ს გადაეცემა ულტრამაღალი სისუფთავის კვარცის დასამუშავებლად. ეს მასალა ნახევარგამტარების წარმოებისთვისაა საჭირო.

პროგრამა 2022 წელს კონგრესის მიერ დამტკიცებული 10-მილიარდდოლარიანი კვლევითი ფონდიდან ფინანსდება. ვაჭრობის სამინისტრომ ბოლო თვეებში ჩიპების სექტორში უკვე 19 მსგავსი გრანტი გასცა.

წყარო: Reuters