აშშ-ის ადმინისტრაცია ადგილობრივი დრონების წარმოების დაფინანსებას გეგმავს

აშშ-ის პრეზიდენტის ადმინისტრაცია ამერიკული დრონების მწარმოებელი კომპანიებისთვის ფინანსური მხარდაჭერის გაწევას გეგმავს. აღნიშნული ნაბიჯი ქვეყნის თავდაცვის სტრატეგიაში უპილოტო საფრენი აპარატების როლის გაძლიერებას ისახავს მიზნად.

დრონების სფეროში უპირატესობის მოპოვება პრეზიდენტ ტრამპის 2027 წლის 1.5 ტრილიონი დოლარის თავდაცვის ბიუჯეტის ერთ-ერთ მთავარ პრიორიტეტად არის განსაზღვრული. გავრცელებული ინფორმაციით, ადმინისტრაცია მოლაპარაკებებს აწარმოებს რამდენიმე ამერიკულ ტექნოლოგიურ კომპანიასთან, მათ შორის არიან Unusual Machines, Neros და Performance Drone Works, რათა მათთვის სახელმწიფო დაფინანსება გამოიყოს. პროცესში ჩართულია პენტაგონის სტრატეგიული კაპიტალის ოფისი, რომელიც ეროვნული უსაფრთხოებისთვის მნიშვნელოვან საწარმოებს ფინანსურ მხარდაჭერას უწევს. დაფინანსება შეიძლება მოიცავდეს როგორც სესხს, ისე ინვესტიციას, რაც მთავრობას ამ კომპანიებში წილის მიღების შესაძლებლობას მისცემს.

ყურადღებას იქცევს ისიც, რომ რამდენიმე დასახელებულ კომპანიას პრეზიდენტ ტრამპის ოჯახთან ან მის ახლო გარემოცვასთან აქვს კავშირი. მაგალითად, დონალდ ტრამპ უმცროსი Unusual Machines-ის მრჩეველია. ამ ინფორმაციის გავრცელებისთანავე, ამერიკული დრონების მწარმოებელი კომპანიების აქციების ფასები საფონდო ბირჟაზე მკვეთრად გაიზარდა.

წყარო: Investing.com