აშშ-ის სავაჭრო დეფიციტი 17 თვის მაქსიმუმზეა

აშშ-ის სავაჭრო დეფიციტი აგვისტოში 13.7%-ით გაიზარდა და 105.6 მილიარდ დოლარს მიაღწია. ეს 2025 წლის მარტის შემდეგ ყველაზე მაღალი მაჩვენებელია. დეფიციტი გაიზარდა ტრამპის ადმინისტრაციის მიერ დაწესებული ტარიფების მიუხედავად, რომელთა ერთ-ერთი მიზანი იმპორტის შემცირება იყო.

აგვისტოში აშშ-მა რეკორდული, 420.8 მილიარდი დოლარის საქონელი და მომსახურება შეიძინა უცხოეთიდან, რაც წინა თვესთან შედარებით 4.3%-ით მეტია. განსაკუთრებით მოიმატა ნავთობის, ნახევარგამტარების, სამრეწველო მასალებისა და საწარმოო დანადგარების იმპორტმა. მხოლოდ წარმოებისთვის საჭირო აღჭურვილობისა და სხვა კაპიტალური საქონლის იმპორტმა 146.4 მილიარდ დოლარს მიაღწია. აღსანიშნავია, რომ ზრდა მონაცემთა ცენტრებისა და ხელოვნურ ინტელექტთან დაკავშირებული სხვა პროექტების მშენებლობას უკავშირდება.

აგვისტოში აშშ-ის ექსპორტმა 315.2 მილიარდი დოლარი შეადგინა, რაც ივლისთან შედარებით 1.4%-ით მეტია. გაზრდილი სავაჭრო დეფიციტის გამო Goldman Sachs-მა აშშ-ის მესამე კვარტლის ეკონომიკური ზრდის პროგნოზი 3.4%-დან 3.1%-მდე შეამცირა.

წყარო: Reuters