აშშ ნავთობკომპანიებს დიზელის ექსპორტის შემცირებას სთხოვს

აშშ-ის ენერგეტიკის მინისტრი კრის რაიტი მსხვილ ნავთობგადამმუშავებელ კომპანიებს სთხოვს, დიზელის ექსპორტი ნებაყოფლობით შეამცირონ. მთავრობა ქვეყანაში საწვავის გაიაფებას ცდილობს, თუმცა ექსპორტის სრულად შეზღუდვას არ გეგმავს.

აშშ-ში დიზელის საშუალო ფასი გალონზე დაახლოებით 6.52 დოლარამდე გაიზარდა. მარაგები 97 მილიონ ბარელზე ნაკლებია და ბოლო ხუთი წლის ამ პერიოდის საშუალო მაჩვენებელს 13%-ით ჩამორჩება. ფასების ზრდაზე გავლენას ირანსა და უკრაინაში მიმდინარე ომებით გამოწვეული შეფერხებებიც ახდენს.

აშშ მსოფლიოში დიზელის უმსხვილესი ექსპორტიორია. ნავთობის ინდუსტრიის წარმომადგენლები ამბობენ, რომ ექსპორტის შემცირებამ შესაძლოა გადამამუშავებელ ქარხნებს წარმოების შემცირება აიძულოს. ასეთ შემთხვევაში ნაკლები ბენზინი და საავიაციო საწვავიც წარმოიქმნება, რამაც მათი ფასებიც შეიძლება გაზარდოს.

ჯერ უცნობია, რამდენად სურს მთავრობას ექსპორტის შემცირება და როგორ გაკონტროლდება შეთანხმების შესრულება. ინდუსტრიის წარმომადგენლების თქმით, კომპანიები ინიციატივას დიდი ენთუზიაზმით არ შეხვედრიან.

წყარო: Reuters