აშშ-ში ინფლაცია 3.7%-მდე გაიზარდა

აშშ-ში ინფლაცია 3.7%-მდე გაიზარდა. სამომხმარებლო ფასები წინა თვესთან შედარებით 0.6%-ით გაიზარდა, წლიურმა ინფლაციამ კი 3.7% შეადგინა. აგვისტოში ეს მაჩვენებელი 3.4% იყო.

ინფლაციაზე ყველაზე მეტად ბენზინის გაძვირებამ იმოქმედა. სექტემბერში მისი ფასი 7.1%-ით გაიზარდა. გაძვირება სხვა კატეგორიებშიც გაგრძელდა: სურსათისა და ენერგიის გარეშე დათვლილი საბაზო ინფლაცია თვიურად 0.3% იყო, წლიური მაჩვენებელი კი 2.4%-დან 2.6%-მდე გაიზარდა.

ახალი მონაცემების შემდეგ გაიზარდა მოლოდინი, რომ ფედერალურმა სარეზერვო სისტემამ საპროცენტო განაკვეთი კიდევ ერთხელ გაზარდოს. სექტემბერში Fed-მა განაკვეთი 25 საბაზისო პუნქტით გაზარდა და მისი დიაპაზონი 3.75%-4.00% გახდა. ეს ბოლო სამი წლის განმავლობაში პირველი ზრდა იყო.

ინფლაციის მონაცემების გამოქვეყნებამდე ოქტომბერში განაკვეთის კიდევ ერთხელ გაზრდის შანსი დაახლოებით 22% იყო. ახალი მონაცემების შემდეგ ეს მაჩვენებელი 40%-მდე გაიზარდა.

Fed-ის შემდეგი შეხვედრა 27-28 ოქტომბერს გაიმართება.

წყარო: Reuters