ბაფეტის ინდიკატორი რეკორდულ დონეს მიუახლოვდა

უორენ ბაფეტის ცნობილი ინდიკატორი, რომელიც საფონდო ბაზრის საერთო ღირებულებას ქვეყნის ეკონომიკის ზომას ადარებს, 2026 წელს რეკორდულ დონეზეა. ეს მიუთითებს, რომ აქციების ფასები ისტორიულად ძალიან მაღალ ნიშნულზეა და ბაზარზე რისკებიც იზრდება. 2026 წლის მაისის მონაცემებით, მაჩვენებელი 229.7%-ს აღწევს.

ბაფეტის ინდიკატორი ადარებს აშშ-ის საფონდო ბაზრის საერთო ღირებულებას ქვეყნის ეკონომიკის ზომას. მარტივად რომ ვთქვათ, ის აჩვენებს, რამდენად ძვირია აქციები ეკონომიკის რეალურ მასშტაბთან შედარებით.

ბაფეტის შეფასებით, როცა ეს მაჩვენებელი 70-80%-ის ფარგლებშია, აქციების ყიდვა უფრო მიმზიდველად შეიძლება ჩაითვალოს. ხოლო 200%-თან მიახლოება უკვე ზედმეტად მაღალი შეფასების ნიშანია. ამჟამინდელი 229.7%-იანი დონე ამ ზღვარს მნიშვნელოვნად აჭარბებს.

შედარებისთვის, 2000 წლის ტექნოლოგიური ბუმის დროს ეს მაჩვენებელი 162.6%-მდე იყო გაზრდილი, რის შემდეგაც საფონდო ბაზარმა მკვეთრი ვარდნა განიცადა.

დღეს აქციების ფასებს განსაკუთრებით ხელოვნური ინტელექტის მიმართ მაღალი ინტერესი ზრდის. თუმცა ბაფეტის ინდიკატორი აჩვენებს, რომ ბაზარი ისტორიულად ძალიან ძვირად არის შეფასებული. ზუსტი დროის პროგნოზირება რთულია, თუმცა ასეთი მაღალი მაჩვენებელი ინვესტორებისთვის რისკებს ზრდის.

წყარო: Yahoo Finance