ბილ გეიტსის TerraPower-ს ბრიტანეთში პირველი რეაქტორის ამოქმედება 2034 წელს სურს
ბილ გეიტსის მხარდაჭერილი ამერიკული TerraPower ბრიტანეთში ბირთვული რეაქტორის აშენებას აპირებს. კომპანიის გეგმით, სადგური მუშაობას 2034 წელს დაიწყებს. იგი აშშ-ის ფარგლებს გარეთ TerraPower-ის პირველი პროექტი იქნება.
კომპანია Natrium-ის ტიპის რეაქტორებს ქმნის. თითოეული მათგანი 345 მეგავატ ელექტროენერგიას გამოიმუშავებს, ენერგიის შენახვის სპეციალური სისტემის გამოყენებით კი სიმძლავრის დროებით 500 მეგავატამდე გაზრდა იქნება შესაძლებელი.
TerraPower-ის პირველი ასეთი რეაქტორი უკვე შენდება ვაიომინგში და მისი ამუშავება 2031 წლისთვისაა დაგეგმილი. ბრიტანეთში პროექტი ჯერ საწყის ეტაპზეა. ტექნოლოგიას მარეგულირებელი ამოწმებს, ხოლო ადგილმდებარეობა ჯერ არ შეურჩევიათ.
TerraPower-ის ხელმძღვანელის, კრის ლევესკის თქმით, ერთი მეგავატსაათი ელექტროენერგიის ღირებულება £100-ზე ნაკლები უნდა იყოს.
კომპანიას Meta-სთან აშშ-ში რვამდე რეაქტორის მშენებლობაზე უკვე აქვს შეთანხმება. TerraPower მომავალში მსგავსი თანამშრომლობის დაწყებას ბრიტანეთშიც განიხილავს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
