გადადი ძირითად შინაარსზე
Traders' Hub
ბლოგზე დაბრუნება
საფონდო

BofA ივნისში აქციების გაყიდვის რისკებზე საუბრობს

მარიამ ქადარია25 მაისი, 20262 წთ კითხვა
BofA ივნისში აქციების გაყიდვის რისკებზე საუბრობს

Bank of America-ის ანალიტიკოსები მიიჩნევენ, რომ ივნისში დაგეგმილმა რამდენიმე პოლიტიკურმა და ეკონომიკურმა მოვლენამ შესაძლოა საფონდო ბაზარზე ინვესტორების განწყობაზე გავლენა იქონიოს. ერთ-ერთ ფაქტორად დონალდ ტრამპის 80 წლის იუბილეც მოხვდა, რაც ყურადღებას განსაკუთრებით იპყრობს.

ბანკის ანალიტიკოსების მიხედვით, ბოლო თვეებში ტექნოლოგიური კომპანიებისა და ჩიპების მწარმოებლების აქციების სწრაფმა ზრდამ ბაზარზე გადაჭარბებული ოპტიმიზმის ნიშნები გააჩინა. მათ ვარაუდობენ, რომ ივნისის დასაწყისი შესაძლოა იმ პერიოდი გახდეს, როცა ინვესტორების ნაწილი აქციების გაყიდვას და რისკიანი აქტივების შემცირებას გადაწყვეტს.

ანგარიშში ტრამპის დაბადების დღე სხვა მნიშვნელოვან მოვლენებთან ერთად არის განხილული, მათ შორის OPEC-ის შეხვედრა, G7-ის სამიტი და აშშ-ის ფედერალური რეზერვის სხდომა ახალი ხელმძღვანელის პირობებში. ანალიტიკოსების შეფასებით, პოლიტიკური ფაქტორები ბაზარზე სულ უფრო დიდ გავლენას ახდენს, განსაკუთრებით ინფლაციისა და ცხოვრების ხარჯების ზრდის ფონზე.

მათი შეფასებით, ხელოვნური ინტელექტის მიმართ გაზრდილმა ინტერესმა ტექნოლოგიური აქციების ფასები მნიშვნელოვნად გაზარდა. მაგალითად, ნახევარგამტარების ინდექსი ისტორიულ საშუალო მაჩვენებლებთან შედარებით მკვეთრად არის გაზრდილი. ანგარიშში ასევე აღნიშნულია, რომ თუ ინფლაციის ზრდა გაგრძელდება, ეს აშშ-ის საფონდო ბაზარზე დამატებით ზეწოლას შექმნის. ამავე დროს, ბოლო თვეებში გაიზარდა ამერიკული სახელმწიფო ობლიგაციების შემოსავლიანობაც, რაც ბაზარზე არასტაბილურობის რისკს კიდევ უფრო ზრდის.

წყარო: Investing.com

ჟურნალი შენს ელფოსტაში

მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.

მსგავსი სტატიები

მაკრო20 ნოე. 20262 წთ კითხვა

Canadian Natural Resources-ის აქციები 1.9%-ით დაეცა

Advantage Energy-ის C$2.53-მილიარდიანი შეძენის დაფინანსებასთან დაკავშირებული კითხვები და ბაზარზე არსებული ნეგატიური განწყობა კომპანიის აქციებზე ზეწოლას ზრდის.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Fed-ი საბანკო ზედამხედველობის შესუსტების რისკზე საუბრობს

ფედერალურ სარეზერვო სისტემაში მიმდინარე მარეგულირებელმა ცვლილებებმა შესაძლოა დროთა განმავლობაში საბანკო სექტორის უსაფრთხოება შეამციროს.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Procter & Gamble 2030 წლამდე ხარჯების შემცირებას გეგმავს

კომპანია პროდუქტიულობის ზრდისა და ხარჯების ოპტიმიზაციის გზით დანაზოგის მიღებას გეგმავს.

ნუცა ტყეშელაშვილიწაიკითხე