Chime Stride Bank-ს $590 მილიონად იყიდის

ამერიკული ფინანსური ტექნოლოგიების კომპანია Chime Stride Bank-ს $590 მილიონად შეიძენს. გარიგების შედეგად Chime საბანკო ლიცენზიას მიიღებს და სესხების მიმართულების გაფართოებას შეძლებს.

Stride უკვე შვიდ წელზე მეტია Chime-ის პარტნიორია. გარიგების დასრულების შემდეგ კომპანია საბანკო ოპერაციების ძირითად ნაწილს Stride-ში გააერთიანებს და შუამავალ ბანკებზე ნაკლებად იქნება დამოკიდებული.

Chime ვარაუდობს, რომ გარიგება $100 მილიონზე მეტ ფინანსურ სარგებელს მოუტანს. თანხის ნაწილი პარტნიორი ბანკებისთვის გადახდილი ხარჯების შემცირებიდან, ნაწილი კი სესხების ახალი პროდუქტებისა და უფრო იაფი დაფინანსებიდან უნდა მიიღოს.

გარიგების დასრულება 2027 წლის პირველ ნახევარში იგეგმება. Chime-მა მესამე კვარტლისა და მთელი წლის შემოსავლებისა და კორექტირებული EBITDA-ს პროგნოზებიც გაზარდა. Stride-ის შეძენა კომპანიას ტრადიციულ ბანკებთან კონკურენციის გასაძლიერებლად უფრო მეტ კონტროლს მისცემს საკუთარ ფინანსურ პროდუქტებზე.

წყარო: reuters