ჩინეთი მცირე ტექნოლოგიურ კომპანიებს დაფინანსებას გაუზრდის

ჩინეთმა მცირე და საშუალო კომპანიების მხარდასაჭერად ახალი ხუთწლიანი გეგმა გამოაქვეყნა. მთავარი ყურადღება ტექნოლოგიურ კომპანიებსა და იმ სექტორებზე გამახვილდება, სადაც პეკინი ადგილობრივი წარმოებისა და კვლევითი საქმიანობის გაფართოებას ცდილობს.

გეგმა ათმა სახელმწიფო უწყებამ ერთობლივად მოამზადა. რეგიონულ ხელისუფლებებს მცირე კომპანიების ეროვნულ სამეცნიერო და ტექნოლოგიურ პროგრამებში ჩართვა დაევალებათ. სახელმწიფო ფონდებიდან გამოყოფილი თანხის ნაწილი კი განვითარების საწყის ეტაპზე მყოფ კომპანიებს მოხმარდება.

პრიორიტეტულ სფეროებად ხელოვნური ინტელექტი, რობოტიკა, კვანტური ტექნოლოგიები, ახალი ენერგეტიკა და თანამედროვე მასალები განისაზღვრა.

ჩინეთს სურს, 2030 წლისთვის სპეციალიზებული მცირე ტექნოლოგიური კომპანიების, ე.წ. „little giants“-ის რაოდენობა 22 ათასამდე გაზარდოს. იგეგმება ბანკებიდან დაფინანსების გაზრდაც და კომპანიებისთვის ობლიგაციებისა და აქციების ბაზრებზე წვდომის გამარტივება.

პეკინი ამ ბიზნესებს ტექნოლოგიური დამოუკიდებლობისთვის მნიშვნელოვან ნაწილად მიიჩნევს, განსაკუთრებით აშშ-სთან კონკურენციის პირობებში.

წყარო: Reuters