ჩინეთი სახელმწიფო ბანკებსა და სადაზღვევო კომპანიებს $54 მილიარდით დააფინანსებს

ჩინეთი სახელმწიფო ბანკებისა და სადაზღვევო კომპანიების გასაძლიერებლად ჯამში $54 მილიარდს გამოყოფს. თანხის ნაწილი სადაზღვევო კომპანიებს გადაეცემათ. China Life დაახლოებით $5.2 მილიარდს მიიღებს, China Taiping კი $1 მილიარდამდე. დაფინანსებას სხვა სახელმწიფო სადაზღვევო კომპანიებიც მიიღებენ.

დამატებითი თანხით ისარგებლებენ მსხვილი ბანკებიც. Agricultural Bank of China ახალი აქციების გამოშვებით 160 მილიარდ იუანს მოიზიდავს, Industrial and Commercial Bank of China კი 100 მილიარდ იუანს. Export-Import Bank of China 30 მილიარდ იუანს მიიღებს.

ჩინურ ბანკებზე ბოლო პერიოდში ზეწოლა გაიზარდა. სესხებზე მოთხოვნა დაბალია, დაბალი საპროცენტო განაკვეთები კი მათ შემოსავალს ამცირებს. მიუხედავად ამისა, პეკინი ეკონომიკის მხარდაჭერისთვის დიდწილად სწორედ სახელმწიფო ბანკებს ეყრდნობა.

დამატებითი კაპიტალი ბანკებსა და სადაზღვევო კომპანიებს მეტი დაფინანსების გაცემისა და შესაძლო ფინანსური დანაკარგების დასაფარად სჭირდებათ.

წყარო: Reuters