ჩინეთის ექსპორტი 25%-ით გაიზარდა

ჩინეთის ექსპორტი აგვისტოში წინა წლის ანალოგიურ პერიოდთან შედარებით 25%-ით გაიზარდა. ზრდის მთავარი მიზეზი ტექნოლოგიურ პროდუქციაზე მაღალი მოთხოვნა იყო. ამავე დროს, ქვეყნის შიგნით სამომხმარებლო ხარჯები და ინვესტიციები კვლავ დაბალ დონეზე რჩება.

განსაკუთრებით სწრაფად იზრდება ტექნოლოგიური პროდუქციის ექსპორტი. წლის პირველ რვა თვეში მისი ღირებულება 42.9%-ით გაიზარდა. ნახევარგამტარების ექსპორტიდან მიღებული შემოსავალი გაორმაგდა, ავტომობილების ექსპორტი კი 50%-ზე მეტით გაიზარდა. მოთხოვნა მაღალია ელექტრომობილებზე, მზის ენერგიის მოწყობილობებსა და ლითიუმ-იონურ ბატარეებზეც.

აგვისტოში ჩინეთის სავაჭრო პროფიციტმა $119.09 მილიარდი შეადგინა, წლის დასაწყისიდან კი $805.51 მილიარდს მიაღწია. არსებული ტემპის შენარჩუნების შემთხვევაში, მაჩვენებელი ზედიზედ მეორე წელს $1 ტრილიონს გადააჭარბებს.

აშშ-სთან ვაჭრობაც გაიზარდა. ჩინეთის ექსპორტი ამერიკის ბაზარზე აგვისტოში 34.4%-ით გაიზარდა. პეკინი და ვაშინგტონი ახლა დაახლოებით $30 მილიარდის საქონელზე ტარიფების ორმხრივ შემცირებას განიხილავენ.

წყარო: Reuters