ჩინეთში ჰუმანოიდური რობოტების მსოფლიო თამაშები დაიწყო

პეკინში ჰუმანოიდური რობოტების მსოფლიო თამაშები დაიწყო, სადაც რობოტები სპორტულ შეჯიბრებებთან ერთად ისეთ დავალებებსაც ასრულებენ, რომლებიც ქარხნებში, საწყობებში, რესტორნებსა და საგანგებო სიტუაციებში მუშაობას ამოწმებს.

ხუთდღიან ღონისძიებაში 51 შეჯიბრებაა დაგეგმილი. Huawei-ის ინფორმაციით, მათი 40%-ზე მეტი სრულად დამოუკიდებელ მუშაობას მოითხოვს, ადამიანის ჩარევის გარეშე.

პირველივე დღეს ორმა რობოტმა 100 მეტრი უსეინ ბოლტის მსოფლიო რეკორდზე სწრაფად გაირბინა. კიდევ ერთმა ჰუმანოიდმა 400 მეტრი 39.7 წამში დაფარა, რაც ადამიანების მოქმედ მსოფლიო რეკორდზე უკეთესი შედეგია,

თუმცა ორგანიზატორებისა და ინდუსტრიის წარმომადგენლებისთვის მთავარი გამოცდა სისწრაფე არ არის.

რობოტებს კაბელის შეერთება, ნივთების გადატანა, ელექტრომობილის დამუხტვა და სხვადასხვა დავალების შესრულება მოუწევთ. შედეგად, დააკვირდებიან, რამდენად კარგად შეუძლიათ მათ რეალურ გარემოში შეცდომების ამოცნობა და დამოუკიდებლად გამოსწორება.

Lumos Robotics-ის ხელმძღვანელის, იუ ჩაოს თქმით, რობოტის რეალური ღირებულება მაშინ გამოჩნდება, როცა ის ყოველდღიურ სამუშაოს ეფექტურად შეასრულებს.

წყარო: Investing.com