გადადი ძირითად შინაარსზე
Traders' Hub
ბლოგზე დაბრუნება
საფონდო

Citi-ს რჩეული აქციები ბიოტექნოლოგიებისა და დიაგნოსტიკის სექტორში

მარიამ ქადარია9 ივლისი, 20261 წთ კითხვა
Citi-ს რჩეული აქციები ბიოტექნოლოგიებისა და დიაგნოსტიკის სექტორში

ბიოტექნოლოგიებისა და დიაგნოსტიკის სექტორის მიმართ ინვესტორთა ინტერესი კვლავ იზრდება. Citi-ის ანალიტიკოსი პატრიკ დონელი 2026 წლის მეორე ნახევარში სექტორის გაძლიერებას ელოდება. მისი შეფასებით, ბაზარს ხელს უწყობს ხელოვნური ინტელექტის მიმართ განწყობის გაუმჯობესებაც. ინვესტორები უფრო მეტად ფიქრობენ, რომ ამ ტექნოლოგიას შეუძლია მედიკამენტების შექმნის პროცესი დააჩქაროს და კვლევებში ახალი ინვესტიციები მოიზიდოს.

ამ ფონზე Citi-მ რამდენიმე კომპანია გამოყო. სიის სათავეშია Waters (WAT). Waters-ის შემთხვევაში Citi ყურადღებას ამახვილებს კომპანიის არსებულ გაყიდვებზე და ლაბორატორიებში აპარატურის ეტაპობრივ განახლებაზე, რაც მოთხოვნას ზრდის.

ანალიტიკოსები ყურადღებას ამახვილებენ West Pharmaceutical Services-ზეც (WST). კომპანიისთვის წლის დასაწყისი წარმატებული იყო და ზრდას ბიოლოგიური მედიკამენტებისა და ბიოსიმილარების მიმართულებით განაგრძობს. მაისში მომხდარ კიბერშეტევას მის წლიურ მაჩვენებლებზე მნიშვნელოვანი გავლენა არ მოუხდენია.

დიაგნოსტიკის მიმართულებით Citi-ის რჩეულია Guardant Health (GH). კომპანია ონკოლოგიური სკრინინგის ბაზარზე მყარ პოზიციას ინარჩუნებს და ახალი სამედიცინო წესების ფონზე ტესტირების მოცულობის ზრდას ელოდება.

კვლევითი ორგანიზაციებიდან Citi-მ Charles River Laboratories (CRL) გამოირჩევა. Citi-ის აზრით, Charles River Laboratories ყველაზე მეტად ისარგებლებს, თუ ბიოტექნოლოგიურ სექტორში დაფინანსება გაიზრდება. ამასთან, ხელოვნური ინტელექტისგან მომდინარე რისკები მისთვის შედარებით დაბალია. სწორედ ამიტომ Citi-მ მისი აქციები პოზიტიური მოლოდინის მქონე 90-დღიან სიაში შეიყვანა.

წყარო: Investing.com

ჟურნალი შენს ელფოსტაში

მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.

მსგავსი სტატიები

მაკრო20 ნოე. 20262 წთ კითხვა

Canadian Natural Resources-ის აქციები 1.9%-ით დაეცა

Advantage Energy-ის C$2.53-მილიარდიანი შეძენის დაფინანსებასთან დაკავშირებული კითხვები და ბაზარზე არსებული ნეგატიური განწყობა კომპანიის აქციებზე ზეწოლას ზრდის.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Fed-ი საბანკო ზედამხედველობის შესუსტების რისკზე საუბრობს

ფედერალურ სარეზერვო სისტემაში მიმდინარე მარეგულირებელმა ცვლილებებმა შესაძლოა დროთა განმავლობაში საბანკო სექტორის უსაფრთხოება შეამციროს.

ნუცა ტყეშელაშვილიწაიკითხე
საფონდო20 ნოე. 20261 წთ კითხვა

Procter & Gamble 2030 წლამდე ხარჯების შემცირებას გეგმავს

კომპანია პროდუქტიულობის ზრდისა და ხარჯების ოპტიმიზაციის გზით დანაზოგის მიღებას გეგმავს.

ნუცა ტყეშელაშვილიწაიკითხე