Citi-ს რჩეული აქციები ხელოვნური ინტელექტის სფეროში

ხელოვნური ინტელექტის განვითარებასთან ერთად იზრდება მოთხოვნა მონაცემების შენახვისა და დამუშავებისთვის საჭირო ტექნოლოგიებზე. Citi-მ ამ მიმართულებით სამი კომპანია გამოარჩია: MongoDB, Snowflake და Palantir.

MongoDB Citi-ს ერთ-ერთი მთავარი არჩევანია. კომპანიის Atlas პლატფორმის შემოსავალი 29%-ით გაიზარდა. ბანკში მიაჩნიათ, რომ ძველი მონაცემთა ბაზებიდან თანამედროვე ღრუბლოვან სისტემებზე გადასვლა MongoDB-ის მომსახურებაზე მოთხოვნას მომავალშიც გაზრდის.

Citi დადებითად აფასებს Snowflake-საც. ხელოვნური ინტელექტის გამოყენებასთან ერთად იზრდება მონაცემების შენახვისა და დამუშავების საჭიროება, რაც კომპანიისთვის ხელსაყრელ პირობებს ქმნის. Snowflake-ის AI Data Cloud და Cortex ბიზნესებს დიდი მოცულობის მონაცემების მართვასა და მათ გამოყენებაში ეხმარება. ცოტა ხნის წინ Unlimitail-მა Snowflake-ის პლატფორმა ახალი სარეკლამო ქსელის სამართავად აირჩია.

ბანკის კიდევ ერთი რჩეული Palantir-ია, რომელიც კომპანიებს მონაცემების დამუშავებასა და ხელოვნური ინტელექტის დანერგვაში ეხმარება. Citi ყურადღებას ამახვილებს იმაზე, რომ Palantir-ის პროგრამები მომხმარებლებს კონკრეტული ფინანსური შედეგების მიღებაში ეხმარება. კომპანიამ ბოლო პერიოდში თანამშრომლობა დაიწყო Rackspace Technology-სა და მექსიკის ერთ-ერთ უმსხვილეს სადაზღვევო კომპანიასთან, GNP Seguros-თან.

წყარო: Investing.com