დონალდ ტრამპმა Wall Street Journal-ს ცილისწამებისთვის ხელახლა უჩივლა
აშშ-ის პრეზიდენტმა დონალდ ტრამპმა გამოცემა Wall Street Journal-ის წინააღმდეგ 10 მილიარდი დოლარის ოდენობის სარჩელი ხელახლა შეიტანა. სამართლებრივი დავა ეხება მედიაში გავრცელებულ ინფორმაციას ტრამპისა და ჯეფრი ეპშტეინის სავარაუდო კავშირების შესახებ.
მაიამის ფედერალურ სასამართლოში წარდგენილი განახლებული სარჩელით, დონალდ ტრამპი სულ მცირე 10 მილიარდი დოლარის ოდენობის კომპენსაციას ითხოვს. დავის მთავარი საფუძველი გახდა სტატია, რომელშიც აღწერილი იყო ტრამპის ხელმოწერილი მისალოცი ბარათი, რომელიც ჯეფრი ეპშტეინს ეკუთვნოდა. ტრამპის ადვოკატები ამტკიცებენ, რომ აღნიშნული ბარათი ყალბია და მედიამ ინფორმაცია ფაქტების სათანადო გადამოწმების გარეშე გაავრცელა, რამაც მათ კლიენტს დიდი ფინანსური და რეპუტაციული ზიანი მიაყენა. მოპასუხეებს შორის არიან რუპერტ მერდოკი, კომპანია Dow Jones, News Corp და კონკრეტული ჟურნალისტები, თუმცა გამოცემა აცხადებს, რომ სრულად ენდობა საკუთარ მასალებს და სასამართლოში თავის დაცვას აპირებს. აღსანიშნავია, რომ ეს ტრამპის მიერ ეს მედიის წინააღმდეგ დაწყებული ერთ-ერთი მორიგი დავაა. მსგავსი სარჩელები მას ისეთ წამყვან გამოცემებსა და მაუწყებლებთანაც აქვს, როგორებიცაა New York Times და BBC.
წყარო: Investing.com
