DoorDash-ის ახალი ტექნოლოგია მომხმარებლის ნაცვლად შეუკვეთავს

DoorDash-მა ახალი ტექნოლოგიური ხელსაწყო, dd-cli წარადგინა, რომლის საშუალებითაც ხელოვნურ ინტელექტს რესტორნის მოძებნა, ფასების შედარება და შეკვეთის დამოუკიდებლად გაფორმება შეუძლია.

კომპანიის ტექნოლოგიურმა დირექტორმა, ენდი ფენგმა, ახალი სისტემის მუშაობა პრაქტიკაში წარადგინა. დემონსტრაციისას Claude-მა რესტორანი მოძებნა, სასურველი კერძი შეარჩია და შეკვეთის საფასურიც თავად გადაიხადა.

ამ ეტაპზე dd-cli მხოლოდ სატესტო რეჟიმშია ხელმისაწვდომი. მის გამოყენებას აშშ-სა და კანადაში მცხოვრები macOS დეველოპერები შეძლებენ, თუმცა ამისთვის წინასწარ უნდა დარეგისტრირდნენ.

DoorDash-ს სურს, რომ მომავალში მისი სერვისი სხვა ციფრულ ასისტენტებსა და ჭკვიანი სახლის სისტემებსაც დაუკავშირდეს. მაგალითად, შეკვეთა შეიძლება ავტომატურად გაკეთდეს კალენდარში მითითებული გეგმების ან სხვა ყოველდღიური საჭიროებების მიხედვით, ისე, რომ მომხმარებელმა DoorDash-ის აპლიკაცია თავად აღარ გახსნას.

ტექნოლოგია ჯერ საწყის ეტაპზეა, თუმცა უკვე ჩანს, რომ მომავალში ონლაინ შეკვეთების ნაწილს ხელოვნური ინტელექტი მომხმარებლის ნაცვლად შეასრულებს.

წყარო: Investing.com