EnergyX Trafigura-ს 10 წლის განმავლობაში $2 მილიარდის ლითიუმს მიაწვდის

EnergyX-მა Trafigura-სთან ათწლიანი შეთანხმება გააფორმა, რომლის მიხედვითაც შვეიცარიულ კომპანიას 100,000 ტონა ლითიუმს მიაწვდის. მიმდინარე ფასებით გარიგების ღირებულება დაახლოებით 2 მილიარდ დოლარს შეადგენს.

მიწოდებული ლითიუმის ნახევარი ჰიდროქსიდი იქნება, ნახევარი კი კარბონატი. ორივე მასალა ბატარეების წარმოებაში გამოიყენება. ლითიუმს EnergyX ჩილესა და ტეხასში დაგეგმილი პროექტებიდან მიიღებს.

ჩილეში წარმოების დაწყება 2028 წელს იგეგმება და იქ მოპოვებული ლითიუმის დაახლოებით ორი მესამედი Trafigura-ს გადაეცემა. ტეხასის პროექტი კი 2029 წელს უნდა ამოქმედდეს, მისი პროდუქციის დაახლოებით მესამედს ასევე Trafigura შეიძენს.

თავდაპირველად Trafigura ლითიუმის გაყიდვას ძირითადად ჩინეთში გეგმავს. მოგვიანებით კომპანიას აშშ-ის ბატარეების მწარმოებლების მომარაგებაც სურს.

EnergyX-ის ინვესტორებს შორის General Motors და იტალიური Eni არიან. კომპანიას ახალი საწარმოების ასაშენებლად დამატებითი დაფინანსება სჭირდება და აშშ-ის ექსპორტ-იმპორტის ბანკისგან 690 მილიონი დოლარის სესხის მიღებასაც ცდილობს. ბირჟაზე გასვლის საკითხს კი წარმოების დაწყების შემდეგ დაუბრუნდება.

წყარო: investing.com