EQT Qiagen-ს $10.8 მილიარდად შეიძენს

შვედური საინვესტიციო კომპანია EQT მოლეკულური დიაგნოსტიკის კომპანია Qiagen-ს დაახლოებით 9.6 მილიარდ ევროდ, ანუ 10.8 მილიარდ დოლარად შეიძენს.

EQT თითო აქციაში 46.50 ევროს გადაიხდის, რაც გარიგების გამოცხადებამდე არსებულ ფასს 8.6%-ით აღემატება. Qiagen-ის ვალის გათვალისწინებით, გარიგების საერთო ღირებულება დაახლოებით 12.1 მილიარდ დოლარს შეადგენს. პროცესში აბუ-დაბისა და კანადის მსხვილი სახელმწიფო საინვესტიციო ფონდებიც მონაწილეობენ.

Qiagen კვლევით და კლინიკურ ლაბორატორიებს გენეტიკური მასალის ანალიზისთვის საჭირო ტესტებსა და მოწყობილობებს სთავაზობს. მოლეკულურ დიაგნოსტიკაზე მოთხოვნის ზრდასთან ერთად ამ სფეროთი მსხვილი საინვესტიციო კომპანიებიც სულ უფრო მეტად ინტერესდებიან.

Qiagen-ის სამეთვალყურეო საბჭომ შეთავაზებას მხარი უკვე დაუჭირა. გარიგება 2027 წლის შუა პერიოდში უნდა დასრულდეს. მანამდე კომპანიამ 2026 წლის ფინანსური პროგნოზის გამოქვეყნება შეაჩერა. მესამე კვარტლის წინასწარი მონაცემებით, Qiagen-ის შემოსავალმა 548 მილიონი დოლარი შეადგინა.

წყარო: Reuters