ერაყში დოლარის მიწოდება ოთხთვიანი პაუზის შემდეგ განახლდა

ერაყსა და აშშ-ს შორის შეთანხმების შედეგად ქვეყანაში ამერიკული დოლარის ნაღდი ფულის შეტანა განახლდება.სანაცვლოდ, ბაღდადი ვალდებულია გაამკაცროს კონტროლი, რომ დოლარი ირანსა და მასთან დაკავშირებულ შეიარაღებულ ჯგუფებამდე არ მივიდეს.

აშშ-ის სახაზინო დეპარტამენტმა ერაყისთვის დოლარის მიწოდება თებერვლის ბოლოს შეაჩერა. ამან ბაღდადს შეუზღუდა წვდომა ნავთობის გაყიდვიდან მიღებულ შემოსავალზე, რომელიც ნიუ-იორკის ფედერალურ სარეზერვო ბანკში ინახება. ვაშინგტონის მიზანი იყო, ერაყზე ზეწოლა გაეზარდა და შეემცირებინა გზები, რომლითაც ირანი სანქციების გვერდის ავლით დოლარს იღებდა.

ახალი შეთანხმებით, ერაყმა პირობა დადო, რომ ამერიკული ვალუტა ირანთან დაკავშირებულ ძალებამდე აღარ მივა, მათ შორის ვალუტის გადამცვლელი პუნქტებისა და პროირანული დაჯგუფებების წევრებისთვის განკუთვნილი ხელფასების გზით. ფედერალურმა სარეზერვო სისტემამ ნაღდი ფულის გაგზავნა უკვე განაახლა. მანამდე კი მინიმუმ ორი მსხვილი გზავნილი იყო გაუქმებული, მათ შორის ერთი 500 მილიონი დოლარის მოცულობით.

წყარო: Investing.com