ევროპაში ბუნებრივი აირის ფასი შემცირდა

ევროპაში ბუნებრივი აირის ფასი კვარტალურ ჭრილში ბოლო ერთი წლის განმავლობაში პირველად შემცირდა. კლების მთავარი მიზეზი ნავთობის გაიაფება და ახლო აღმოსავლეთში საზღვაო გადაზიდვების ნაწილობრივი დასტაბილურებაა.

ევროპის მთავარი საორიენტაციო ფასი, ჰოლანდიური TTF-ის კონტრაქტი, მეგავატ-საათზე დაახლოებით 43.44 ევროს შეადგენს. მიუხედავად იმისა, რომ ბოლო დღეებში ფასმა ოდნავ მოიმატა, მაგრამ კვარტლის მიხედვით მაინც შემცირებულია.

ბაზარზე ვითარება მას შემდეგ შეიცვალა, რაც ჰორმუზის სრუტეში ტვირთების გადაადგილება შედარებით დასტაბილურდა. ეს მნიშვნელოვანი მიმართულებაა, რადგან ამ გზით მსოფლიო თხევადი ბუნებრივი აირის დაახლოებით მეხუთედი გადის. ყატარიდან და არაბთა გაერთიანებული საამიროებიდან მომავალი ხომალდებისთვის გადაზიდვების აღდგენამ მიწოდებასთან დაკავშირებული რისკები შეამცირა.

ფასებზე გავლენა ნავთობის გაიაფებამაც მოახდინა. როდესაც ნავთობის ფასი ომამდე არსებულ დონეს დაუბრუნდა, ენერგობაზარზე დაძაბულობაც შემცირდა. თუმცა გაზის ფასის უფრო მკვეთრ კლებას ევროპაში არსებული დაბალი მარაგები აფერხებს.

ამჟამად ევროპის გაზსაცავები დაახლოებით 48%-ით არის შევსებული. ეს ნაკლებია როგორც გასული წლის იმავე პერიოდის მაჩვენებელზე, 56.2%-ზე, ისე ბოლო ხუთი წლის საშუალო დონეზე, რომელიც 61%-ს შეადგენს.

წყარო: Investing.com