ევროპიდან პირველი კომერციული რაკეტა ორბიტაზე წარმატებით გაუშვეს

გერმანულმა Isar Aerospace-მა Spectrum-ის რაკეტა ნორვეგიიდან წარმატებით გაუშვა. Spectrum გახდა პირველი კომერციული რაკეტა, რომელიც კონტინენტური ევროპიდან გაუშვეს და ორბიტას წარმატებით მიაღწია.

Spectrum-მა ორბიტაზე ხუთი მცირე თანამგზავრი და ერთი ექსპერიმენტული მოწყობილობა განათავსა. რაკეტა მცირე და საშუალო ზომის თანამგზავრების გასაშვებადაა შექმნილი.

Isar Aerospace უკვე ხუთ ახალ რაკეტაზე მუშაობს და მომავალში, წელიწადში დაახლოებით 40 გაშვებას გეგმავს. კომპანია კანადის ნოვა სკოტიაში მეორე კოსმოსურ ცენტრსაც აშენებს, რომელიც 2028 წლიდან ამოქმედდება.

კომპანიისთვის ეს მეორე მცდელობა იყო. Spectrum-ის პირველი გაშვება 2025 წელს წარუმატებლად დასრულდა, რადგან რაკეტა აფრენიდან მალევე ზღვაში ჩავარდა.

ევროპა ცდილობს, თანამგზავრების გაშვებისას სხვა ქვეყნებზე დამოკიდებულება შეამციროს. ევროპის კოსმოსურმა სააგენტომ Isar Aerospace-ს ინფრასტრუქტურისა და ახალი რაკეტების განვითარებისთვის დაახლოებით €200 მილიონი გამოუყო. კომპანია ამ ეტაპზე ბირჟაზე გასვლას არ გეგმავს.

წყარო: Reuters