Google ხელოვნური ინტელექტის ჩიპებს კოსმოსში გამოცდის

Google მომავალ კვირაში საცდელ თანამგზავრს გაუშვებს და საკუთარ AI ჩიპებს კოსმოსში პირველად გამოცდის. Project Suncatcher-ის მიზანია გაირკვეს, რამდენად შესაძლებელია მომავალში ხელოვნური ინტელექტისთვის საჭირო დიდი ინფრასტრუქტურის დედამიწის ფარგლებს გარეთ განთავსება.

თანამგზავრი Google-ის TPU ჩიპებით იქნება აღჭურვილი და SpaceX-ის Transporter-18 მისიით დაბალ ორბიტაზე გავა. კომპანია შეამოწმებს, როგორ გაუძლებს მოწყობილობა გაშვებისას წარმოქმნილ დატვირთვას, კოსმოსურ რადიაციასა და ტემპერატურის მკვეთრ ცვლილებებს. ცალკე გამოცდა ჩიპების გაგრილებასაც შეეხება, რადგან ვაკუუმში ჩვეულებრივი ჰაერზე დაფუძნებული გაგრილების სისტემა ვერ მუშაობს.

კოსმოსში მონაცემთა ცენტრების განთავსების ერთ-ერთი უპირატესობა მზის ენერგიის თითქმის უწყვეტად გამოყენების შესაძლებლობაა. ამან შესაძლოა კომპანიებს დედამიწაზე ელექტროენერგიის დეფიციტთან დაკავშირებული პრობლემების ნაწილი შეუმსუბუქოს.

პირველი მისიის მიზანი მოქმედი მონაცემთა ცენტრის შექმნა არ არის. Google ტექნიკურ მონაცემებს შეაგროვებს და შეისწავლის, რა პრობლემები შეიძლება წარმოიშვას ჩიპების კოსმოსში მუშაობისას. კომპანია 2027 წელს კიდევ ორი თანამგზავრის გაშვებას გეგმავს.

წყარო: Reuters