Hapag-Lloyd ZIM-ის შესაძენად $4.2-მილიარდიან შეთავაზებას ცვლის
გერმანული Hapag-Lloyd-ი ისრაელის გადამზიდავი კომპანია ZIM-ის შესაძენად გაკეთებული 4.2-მილიარდიანი შეთავაზების პირობებს ცვლის. კომპანიამ შეთავაზების გადახედვა მას შემდეგ გადაწყვიტა, რაც გარიგებას ისრაელში წინააღმდეგობა მოჰყვა.
ZIM-ის უცხოური კომპანიის ხელში გადასვლას ეწინააღმდეგებიან მისი თანამშრომლები, ისრაელის თავდაცვის მინისტრი და მთავრობის სხვა წარმომადგენლები. მათი შეშფოთების მთავარი მიზეზი ეროვნული უსაფრთხოებაა. ახალი გეგმით, ZIM-ის საქმიანობის ნაწილი ისრაელის კონტროლქვეშ დარჩება და კერძო საინვესტიციო კომპანია FIMI-ს გადაეცემა. FIMI-ს საკუთრებაში გადავა ცალკე კომპანიაც, რომელსაც 16 გემი ექნება. ამ გზით ისრაელი საერთაშორისო საზღვაო მარშრუტებთან პირდაპირ კავშირს შეინარჩუნებს.
Hapag-Lloyd ასევე მზადაა, უცხოელი ინვესტორისთვის დასაშვები წილის ზღვარი 24%-დან 10%-მდე შემცირდეს. კომპანიის წარმომადგენლები უკვე შეხვდნენ ისრაელის ეკონომიკის, ფინანსთა და თავდაცვის სამინისტროებს. განახლებული შეთავაზების წარდგენა მთავრობაში ამ თვეში იგეგმება.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
