IMF-მა მსოფლიო ეკონომიკის ზრდის პროგნოზი 3.1%-მდე გაზარდა

საერთაშორისო სავალუტო ფონდმა 2026 წლის მსოფლიო ეკონომიკური ზრდის პროგნოზი 3%-დან 3.1%-მდე გაზარდა. 2027 წელს კი 3.4%-იან ზრდას ელოდება. ეკონომიკას ხელს უწყობს ხელოვნურ ინტელექტთან დაკავშირებულ პროექტებში დიდი ინვესტიციები, რაც ნაწილობრივ ამსუბუქებს ახლო აღმოსავლეთში ომისა და ენერგიის გაძვირების გავლენას.

IMF-ის თქმით, ჰორმუზის სრუტე მარტისთვის უნდა გაიხსნას, ხოლო გადაზიდვები 2027 წლის ოქტომბრისთვის ომამდელ დონეს დაუბრუნდეს. თუ ომი გაგრძელდება და ნავთობის ფასი 2027 წლის დასაწყისში ბარელზე 130 დოლარს გადააჭარბებს, მსოფლიო ეკონომიკის ზრდა მომავალ წელს დაახლოებით 0.5 პროცენტული პუნქტით ნაკლები იქნება.

ფონდი კიდევ ერთ რისკად ხელოვნურ ინტელექტში ინვესტიციების შესაძლო შემცირებას ასახელებს. თუ კომპანიები ამ ტექნოლოგიიდან მოსალოდნელ მოგებას ვერ მიიღებენ და ინვესტიციებს შეამცირებენ, ფინანსურ ბაზრებზე ფასებიც შეიძლება შემცირდეს. IMF-ის შეფასებით, ასეთ შემთხვევაში 2028 წლისთვის მსოფლიო ეკონომიკა მოსალოდნელზე 1.1%-ით, აშშ-ის ეკონომიკა კი 1.8%-ით ნაკლები იქნება.

წყარო: Investing.com