იტალია ენერგიის ხარჯების შესამცირებლად ევროკავშირის საბიუჯეტო შეღავათს გამოიყენებს

იტალია 2027-2028 წლებში ენერგიის გაძვირების შედეგების შესამსუბუქებლად ევროკავშირის საბიუჯეტო წესებით გათვალისწინებულ შეღავათს გამოიყენებს. შესაბამის გეგმაზე პრემიერ-მინისტრ ჯორჯა მელონისა და მმართველი კოალიციის წარმომადგენლებს შორის შეთანხმება უკვე მიღწეულია.

ღონისძიებები ოჯახებისა და კომპანიებისთვის ენერგიის ხარჯების შემცირებას მოხმარდება. ევროკომისია წევრ ქვეყნებს საშუალებას აძლევს, თავდაცვისთვის გამოყოფილი დამატებითი საბიუჯეტო რესურსის ნაწილი ენერგეტიკულ პროექტებს დაუთმონ.

იტალიას ამ მიზნით მთლიანი შიდა პროდუქტის 0.3%-ის გამოყენება შეუძია. თანხა ძირითადად წიაღისეული საწვავიდან განახლებად ენერგიაზე გადასვლის ხელშეწყობას მოხმარდება.

ამ გადაწყვეტილებამ შესაძლოა იტალიის ბიუჯეტის დეფიციტის შემცირების გეგმა შეცვალოს. მთავრობა მიმდინარე წელს დეფიციტის მშპ-ის 2.9%-მდე, ხოლო 2027 წელს 2.8%-მდე შემცირებას გეგმავდა.

წყარო: Investing.com