Jaguar-მა $130,500-იანი ელექტრომობილი წარადგინა

Jaguar Land Rover-მა ნიუ-იორკში ახალი ელექტრომობილი, Jaguar Type 01 წარადგინა. ოთხკარიანი ავტომობილის საწყისი ფასი აშშ-ში $130,500 იქნება.

ბრიტანული Jaguar, რომელიც ინდურ Tata Motors-ს ეკუთვნის, Type 01-ით ბრენდის ახალი ეტაპის დაწყებას გეგმავს. ავტომობილის დიზაინში 1960-იანი წლების ცნობილი E-Type-ის გავლენა ჩანს, თუმცა ახალი მოდელი 2024 წლის სტილს მიჰყვება.

კომპანია ახალი მოდელის გაყიდვებში განსაკუთრებით აშშ-ის ბაზარს ეყრდნობა, თუმცა ამერიკაში ელექტრომობილებზე მოთხოვნა ევროპასთან შედარებით უფრო დაბალია. ევროპაში კი ავტომწარმოებლებს ჩინურ ბრენდებთან კონკურენცია, ტარიფები და ენერგომომარაგებასთან დაკავშირებული პრობლემები უქმნით სირთულეებს.

Type 01 Jaguar-ის გეგმის ნაწილია, რომლის მიხედვითაც კომპანია მომავალში მხოლოდ ელექტრომობილების წარმოებაზე გადავა. ამავე დროს, Jaguar ჯერ კიდევ აგვარებს გასული წლის კიბერშეტევით გამოწვეულ პრობლემებს და მომდევნო ორი წლის განმავლობაში თანამშრომლების რაოდენობის თითქმის 10%-ით შემცირებას გეგმავს.

წყარო: Investing.com