კანადა Cleveland-Cliffs-ს Stelco-ს ქარხნის გაყიდვით ემუქრება

კანადის მთავრობამ ამერიკულ Cleveland-Cliffs-ს 15 დღე მისცა, რათა ონტარიოში მდებარე Stelco-ს ქარხანაში სამუშაო ადგილების შემცირების გეგმაზე უარი თქვას. თუ კომპანია მოთხოვნას არ შეასრულებს, ხელისუფლება სასამართლოს მიმართავს და ქარხნის გაყიდვას მოითხოვს.

მრეწველობის მინისტრ მელანი ჟოლის განცხადებით, სამუშაო ადგილების შემცირება ეწინააღმდეგება იმ პირობებს, რომლებიც Cleveland-Cliffs-მა Stelco-ს შეძენისას იკისრა. კომპანია მთავრობის ბრალდებას უარყოფს.

შეთანხმების მიუღწევლობის შემთხვევაში Cleveland-Cliffs-ს შესაძლოა დღეში 10 ათასი კანადური დოლარის ჯარიმაც დაეკისროს. სასამართლოს გზით ქარხნის გაყიდვის მოთხოვნა კი კანადის მხრიდან გაცილებით მკაცრი ნაბიჯი იქნება.

საქმე საყურადღებოა სხვა უცხოური ინვესტორებისთვისაც, რადგან აშკარაა, რომ კანადის ხელისუფლება მსხვილი კომპანიების შეძენისას სამუშაო ადგილებთან დაკავშირებით აღებულ ვალდებულებებს მკაცრად აკონტროლებს.

წყარო: Reuters