ხელოვნურ ინტელექტზე გაზრდილმა მოთხოვნამ ჩინეთის ექსპორტი მკვეთრად გაზარდა

ხელოვნურ ინტელექტთან დაკავშირებულ პროდუქციაზე მსოფლიო მოთხოვნის ზრდა ჩინეთის საგარეო ვაჭრობაზეც აისახა. 2026 წლის ივნისში ქვეყნის სავაჭრო ბალანსის დადებითმა სალდომ 125.62 მილიარდ დოლარს მიაღწია, მაისში ეს მაჩვენებელი 105.43 მილიარდ დოლარს შეადგენდა.

ჩინეთის ექსპორტი წინა წლის ანალოგიურ პერიოდთან შედარებით 27%-ით გაიზარდა. ზრდა ძირითადად ნახევარგამტარებსა და ხელოვნურ ინტელექტთან დაკავშირებულ პროდუქციაზე გაზრდილმა მოთხოვნამ განაპირობა.

ნახევარგამტარების ექსპორტი 122%-ით გაიზარდა, კომპიუტერული ტექნიკის კი 53%-ით.

მნიშვნელოვანი ზრდაა საავტომობილო სექტორშიც. ელექტრომობილებზე გაზრდილი მოთხოვნის ფონზე, ჩინეთიდან ავტომობილების ექსპორტი 72%-ით გაიზარდა.

ამავე პერიოდში იმპორტი 36%-ით გაიზარდა, თუმცა ეკონომისტების შეფასებით, ეს მაჩვენებელი უფრო ჩიპების გაძვირებასა და ტექნოლოგიური კომპონენტების შესყიდვას უკავშირდება, ვიდრე ქვეყნის შიგნით მოხმარების მკვეთრ ზრდას.

საგარეო ვაჭრობის ძლიერი მაჩვენებლების მიუხედავად, ეკონომისტები ვარაუდობენ, რომ ჩინეთის ეკონომიკური ზრდა მეორე კვარტალში შენელდება. ამის გამო მოსალოდნელია, რომ პეკინი ეკონომიკის მხარდასაჭერად ახალ ზომებს მიიღებს.

წყარო: Investing.com