ხელოვნური ინტელექტი დასაქმების ბაზარს ჯერჯერობით მნიშვნელოვნად არ ცვლის

კომპანია Bridgewater Associates-ის პროგნოზით, მიმდინარე წელს ხელოვნური ინტელექტი სამუშაო ადგილების მასობრივ შემცირებას არ გამოიწვევს. ამ პროცესს გამოთვლითი სიმძლავრეების დეფიციტი და მდგრადი ეკონომიკური გარემო აფერხებს.

აშშ-ის სტატისტიკის ბიუროს მონაცემებით, ხელოვნურ ინტელექტს ამერიკული კომპანიების 20%-ზე ნაკლები იყენებს, რაც ძირითადად ტექნოლოგიურ და პროფესიული მომსახურების სფეროებშია კონცენტრირებული. კვლევის მიხედვით, იმ ფირმების 90%-ზე მეტს, რომლებიც ამ ტექნოლოგიას უკვე ფლობენ, ბოლო ექვსი თვის განმავლობაში პერსონალი არ შეუმცირებიათ, ზოგიერთ შემთხვევაში კი თანამშრომელთა რაოდენობა გაიზარდა კიდეც. მიუხედავად ამისა, არსებობს გარკვეული რისკები, მათ შორის ირანის კონფლიქტის შესაძლო ესკალაცია და ხელოვნურ ინტელექტში ინვესტირების მაღალი ხარჯები. ექსპერტების შეფასებით, თუ ხელოვნური ინტელექტი დასაქმებას სწრაფად არ შეამცირებს, ფედერალურ სარეზერვო სისტემას ინფლაციასთან ბრძოლა გაურთულდება. ძლიერი შრომის ბაზრის პირობებში ფასებზე ზეწოლის შემცირება უფრო რთულია.

წყარო: Investing.com