ხელოვნური ინტელექტის კომპანიები კაპიტალის მოსაზიდად ემზადებიან
ხელოვნური ინტელექტის სექტორის მიმართ ინვესტორების ინტერესი კვლავ იზრდება. Goldman Sachs-ის ხელმძღვანელის, დავიდ სოლომონის შეფასებით, ბაზარზე ახლა ისეთი გარემოა, რომელიც მსხვილ ტექნოლოგიურ კომპანიებს კაპიტალის მოზიდვისთვის ხელსაყრელ პირობებს უქმნის.
სოლომონის თქმით, საფონდო ბაზარზე ინვესტორების განწყობა ძალიან ოპტიმისტურია, რაც OpenAI-ის, Anthropic-ისა და SpaceX-ის მსგავსი კომპანიებისთვის ბირჟაზე გასვლის შესაძლებლობას აჩენს. მისი შეფასებით, ამ კომპანიების ღირებულება მომავალში შესაძლოა ტრილიონ დოლარს მიუახლოვდეს. Goldman Sachs-ის ხელმძღვანელი ამბობს, რომ ფინანსურ სისტემაში ჯერ კიდევ საკმარისი რესურსია და ამის მაგალითად Alphabet-ის მიერ 80 მილიარდი დოლარის მოზიდვას ასახელებს. მისი აზრით, სანამ ბაზარზე კაპიტალი ხელმისაწვდომია, კომპანიები ამ შესაძლებლობას აქტიურად გამოიყენებენ. მიუხედავად იმისა, რომ ხელოვნური ინტელექტის მიმართულებით დაფინანსების მოცულობა უკვე ძალიან მაღალია, სოლომონი მიიჩნევს, რომ ეს პროცესი შესაძლოა ჯერ მხოლოდ საწყის ეტაპზე იყოს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
