Lenovo-ს აქციების ფასი შემცირდა

Lenovo-ს აქციების ფასი თითქმის 10 პროცენტით შემცირდა მას შემდეგ, რაც გავრცელდა ინფორმაცია, რომ კომპანია ივლისიდან პროდუქციას გააძვირებს. ფასების ზრდა მეხსიერების ჩიპების გაძვირებასა და დეფიციტს უკავშირდება, რაც ხელოვნური ინტელექტის მიმართულებით გაზრდილმა მოთხოვნამ გამოიწვია.

ეს Lenovo-სთვის წელს ფასების გაზრდის უკვე მეორე შემთხვევაა. პირველი ზრდა მარტში დაფიქსირდა და ძირითადად პერსონალურ კომპიუტერებსა და სერვერებს შეეხო. კომპანიის ხელმძღვანელობა წლის დასაწყისიდანვე ამბობდა, რომ წარმოების ხარჯების ზრდა საბოლოოდ პროდუქციის ფასზეც აისახებოდა.

ხელოვნური ინტელექტის განვითარება Lenovo-ს სერვერების ბიზნესს ეხმარება, თუმცა კომპანიის მთავარი შემოსავალი ისევ პერსონალურ მოწყობილობებზე მოდის. ამ მიმართულებით კი მდგომარეობა უფრო რთულია, რადგან ხარჯები იზრდება, მომხმარებლების მოთხოვნა კი სუსტდება.

მიუხედავად აქციების ფასის კლებისა, Lenovo-ს აქციები 2026 წლის განმავლობაში ჯამში მაინც მნიშვნელოვნად არის გაზრდილი. წლის დასაწყისიდან კომპანიის საბაზრო ღირებულება დაახლოებით 140 პროცენტით გაიზარდა.

წყარო: Investing.com