LSEG Octus-ს $3.54 მილიარდად შეიძენს

London Stock Exchange Group საკრედიტო ბაზრის მონაცემების კომპანია Octus-ს 3.54 მილიარდ დოლარად შეიძენს. ეს LSEG-ის ყველაზე დიდი გარიგებაა 2019 წლის შემდეგ, როდესაც ჯგუფმა Refinitiv-ის შესაძენად 27 მილიარდი დოლარი გადაიხადა.

Octus ბანკებსა და ინვესტორებს სესხების, ფინანსური სირთულეების მქონე კომპანიებისა და კერძო საკრედიტო ბაზრების შესახებ ინფორმაციას აწვდის. კომპანიის ერთ-ერთი მთავარი უპირატესობა ისეთი მონაცემებია, რომლებიც საჯაროდ ხელმისაწვდომი არ არის და სპეციალიზებულ კვლევას მოითხოვს. LSEG-ში მიაჩნიათ, რომ სწორედ ასეთი ინფორმაცია ინარჩუნებს ღირებულებას ხელოვნური ინტელექტის სწრაფი განვითარების პირობებშიც.

გარიგება სესხით დაფინანსდება. Octus-ის წლევანდელი შემოსავალი 300-320 მილიონ დოლარს შეადგენს. LSEG-ის პროგნოზით, შეძენა პირველ სრულ წელს მოგებაზე არსებით გავლენას არ მოახდენს, შემდგომ წლებში კი დამატებით შემოსავალს მოუტანს.

LSEG-მა 2026 წლის პროგნოზიც გააუმჯობესა და ახლა შემოსავლის სულ მცირე 8%-იან ზრდას ელოდება. მანამდე კომპანია 7-7.5%-იან ზრდას ვარაუდობდა.

წყარო: Reuters