Meta-მ ხელოვნურ ინტელექტზე დაფუძნებული ციფრულ ასისტენტი წარადგინა

Meta-მ ახალი ინსტრუმენტი, Meta Business Agent, წარადგინა, რომელიც კომპანიებს მომხმარებლებთან კომუნიკაციისა და გაყიდვების პროცესის გამარტივებაში დაეხმარება. სერვისი WhatsApp-ში, Messenger-სა და Instagram-ში იმუშავებს.

Meta Business Agent-ს შეუძლია მომხმარებლების კითხვებზე პასუხის გაცემა, პროდუქტების შეთავაზება, შეხვედრების დაჯავშნა და გაყიდვის პროცესის დასრულება სხვადასხვა ენაზე. კომპანიის ინფორმაციით, ინსტრუმენტს უკვე მილიონზე მეტი ბიზნესი იყენებს.

სისტემა უკავშირდება ისეთ პლატფორმებს, როგორიცაა Shopify, Zendesk და Shopee, რის შედეგადაც მას ბიზნესის სახელით კონკრეტული მოქმედებების შესრულება შეუძლია. ამ ეტაპზე სერვისი უფასოა და ხელმისაწვდომია სხვადასხვა ზომის კომპანიებისთვის, თუმცა უახლოეს თვეებში ფასიანი პაკეტების დამატებაც იგეგმება.

Meta Business Agent ბიზნესის მფლობელებს ყოველდღიურად მიაწვდის მოკლე ინფორმაციას ღამის განმავლობაში მიღებული შეტყობინებების შესახებ. მომავალში ფუნქციებს ბაზრის კვლევა, კალენდრის მართვა და პროდუქტებთან დაკავშირებული დამატებითი ანალიზიც დაემატება.

წყარო: Investing.com