Meta რეკლამებისთვის ხელოვნური ინტელექტის ახალ მოდელს ამატებს
Meta სარეკლამო პლატფორმაში ხელოვნური ინტელექტის ახალ ფუნქციას ამატებს. კომპანია Advantage+-ში Muse Image-ს დანერგავს, რომელიც რეკლამისთვის საჭირო ვიზუალური მასალის შექმნას გაამარტივებს.
Muse Image Meta Superintelligence Labs-ის პირველი ვიზუალური მოდელია. მისი მიზანია, რეკლამის განმთავსებლებს დაეხმაროს სხვადასხვა ვერსიის გამოსახულებების სწრაფად შექმნაში ისე, რომ ვიზუალი ბრენდის სტილს შეესაბამებოდეს.
Meta-ს ხელოვნური ინტელექტის სარეკლამო ინსტრუმენტებს უკვე 8 მილიონზე მეტი რეკლამის განმთავსებელი იყენებს. კომპანიის ტესტირების მიხედვით, Muse Image უკეთ ქმნის რეალისტურ გამოსახულებებს და პროდუქტის ვიზუალურ დეტალებს უფრო ზუსტად ინარჩუნებს.
ახალი ტექნოლოგია მხოლოდ რეკლამებისთვის არ იქნება განკუთვნილი. Meta მას AI Shopping-ის ფუნქციაშიც გამოიყენებს, სადაც მომხმარებლები შეძლებენ, კატალოგიდან შერჩეული ნივთები საკუთარ ინტერიერში ვირტუალურად ნახონ. Muse Image ეტაპობრივად ხელმისაწვდომი გახდება Meta AI-ის მომხმარებლებისთვისაც Instagram-სა და WhatsApp-ში.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
