Microsoft-მა Nscale-ის ბრიტანულ მონაცემთა ცენტრზე უარი თქვა
Microsoft-მა ბრიტანულ Nscale-თან შეთანხმება შეწყვიტა, რომელიც ესექსის ქალაქ ლაუტონში ახალი მონაცემთა ცენტრის შექმნას ეხებოდა. მიზეზი ოფიციალურად არ დასახელებულა, თუმცა პროექტი ელექტროენერგიის ქსელთან დაკავშირების სირთულეების გამო რამდენჯერმე გადაიდო.
Nscale-ს აცნობეს, რომ ცენტრისთვის საჭირო ელექტროენერგიის მიწოდება შესაძლოა 2030-იან წლებამდე ვერ მოხერხდეს. კომპანია პროექტის გაგრძელებას მაინც გეგმავს და ენერგიის სხვა წყაროებს ეძებს.
Nvidia-ს მხარდაჭერილი Nscale კომპანიებს ხელოვნური ინტელექტის მოდელების შექმნისა და მუშაობისთვის საჭირო მონაცემთა ცენტრებსა და ტექნიკურ რესურსებს სთავაზობს. სექტემბერში კომპანიამ აშშ-ში ბირჟაზე გასვლისთვის განაცხადი შეიტანა. მის მთავარ კლიენტებს შორის Microsoft-ი და Anthropic-იც არიან.
უნდა აღინიშნოს, რომ ხელოვნური ინტელექტისთვის ახალი მონაცემთა ცენტრების მშენებლობას ელექტროენერგიის ნაკლებობაც აფერხებს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
