მსოფლიო ჩემპიონატის მოლოდინში ბიზნეს სექტორის შემოსავლები და აქციების ფასები იზრდება

2026 წლის ფეხბურთის მსოფლიო ჩემპიონატი, რომელიც აშშ-ში, მექსიკასა და კანადაში გაიმართება, არამხოლოდ სპორტული, არამედ მასშტაბური ეკონომიკური მოვლენაა.

Deutsche Bank-ის ანალიტიკოსების პროგნოზით, მიუხედავად იმისა, რომ ტურნირი აშშ-ის მთლიან შიდა პროდუქტს მხოლოდ მცირედით გაზრდის, კონკრეტული სექტორები და კომპანიები მნიშვნელოვან ფინანსურ სარგებელს მიიღებენ.

ყველაზე დიდ ზრდას სასტუმროების ბიზნესში ელიან. ანალიტიკოსების რეკომენდაციით, ინვესტორებისთვის მიმზიდველია ისეთი კომპანიების აქციები, როგორიცაა DiamondRock Hospitality, Host Hotels და Park Hotels. განსაკუთრებით დიდი მოთხოვნა ძვირადღირებულ სასტუმროებზეა მოსალოდნელი, რაც Hyatt-ის, Hilton-ისა და Marriott-ის შემოსავლების ზრდას შეუწყობს ხელს.

კვების სექტორში გაყიდვების 1.9 მილიარდი დოლარით მატებაა მოსალოდნელი. საერთაშორისო ტურისტებს შორის ყველაზე პოპულარული McDonald’s-ი, Starbucks-ი და Shake Shack-ი იქნება. ამასთანავე, Domino’s-ი და Wingstop-იც მოგებულ პოზიციაში აღმოჩნდებიან.

მედიისა და ტექნოლოგიების მიმართულებით მთავარი სარგებელი Fox-სა და Comcast-ს ექნებათ, რადგან ისინი ტრანსლაციის უფლებებს ფლობენ. მოსალოდნელია სარეკლამო შემოსავლების ზრდაც, ხოლო ციფრული გავრცელების მხრივ მნიშვნელოვანი როლი YouTube-ს ექნება.

გარდა ამისა, ტურნირი პოზიტიურ გავლენას მოახდენს ისეთ კომპანიებზე, როგორიცაა Uber, Lyft და Airbnb, ასევე სპორტული ფსონების ინდუსტრიის ლიდერებზე, მათ შორის FanDuel-სა და DraftKings-ზე.

წყარო: Investing.com