ნავთობის გაძვირების შემდეგ სპარსეთის ყურის ქვეყნების ბირჟებზე აქციების ფასები გაიზარდა

სპარსეთის ყურის ქვეყნების უმეტეს ბირჟაზე აქციების ფასები გაიზარდა. მთავარი მიზეზი ნავთობის გაძვირება იყო, მას შემდეგ, რაც აშშ-ის პრეზიდენტი დონალდ ტრამპი ირანის სავაჭრო პარტნიორებს ახალი ეკონომიკური სანქციებით დაემუქრა. Brent-ის ფასი პარასკევს ბარელზე 94.39 დოლარს შეადგენდა.

საუდის არაბეთის მთავარი საფონდო ინდექსი 1.1%-ით გაიზარდა. Al Rajhi Bank-ის აქციების ფასმა 2.1%-ით, Saudi Arabian Mining-ის 4%-ით, ხოლო National Shipping Company of Saudi Arabia-ს 9.5%-ით მოიმატა. ამ უკანასკნელის აქციების ფასმა ბოლო 20 წლის ყველაზე მაღალ მაჩვენებელს მიაღწია.

კატარის საფონდო ინდექსი 0.1%-ით გაიზარდა. Qatar National Bank-ის აქციების ფასი 1.6%-ით, Qatar Gas Transport-ის კი 1.5%-ით გაიზარდა. ზრდა იყო ეგვიპტის ბირჟაზეც, სადაც მთავარი ინდექსი 1.1%-ით გაიზარდა. Kuwait-ის ინდექსმა 0.8%-ით მოიმატა, ბაჰრეინში მნიშვნელოვანი ცვლილება არ ყოფილა, ხოლო ომანის ინდექსი 0.2%-ით შემცირდა.

წყარო: Investing.com