Nvidia Hugging Face-ს $12.9 მილიარდად ყიდულობს

Nvidia ხელოვნური ინტელექტის ერთ-ერთ ყველაზე პოპულარულ პლატფორმა Hugging Face-ს $12.93 მილიარდად შეიძენს. ეს Nvidia-ს ისტორიაში ერთ-ერთი ყველაზე დიდი გარიგებაა.

Hugging Face არის პლატფორმა, სადაც დეველოპერები AI მოდელებს, მონაცემებსა და პროგრამულ ინსტრუმენტებს ეძებენ და იყენებენ. Hugging Face-ის შეძენით Nvidia უფრო ახლოს აღმოჩნდება იმ კომპანიებსა და დეველოპერებთან, რომლებიც მის ჩიპებსა და მათზე დაფუძნებულ სისტემებს იყენებენ.

გარიგების ფარგლებში Hugging Face-ის ინვესტორები დაახლოებით $11.9 მილიარდს მიიღებენ. კიდევ $1 მილიარდამდე კომპანიის იმ თანამშრომლებისთვისაა გათვალისწინებული, რომლებიც Nvidia-ში მუშაობას გააგრძელებენ.

ჯენსენ ჰუანგის თქმით, Hugging Face ღია პლატფორმად დარჩება. მომხმარებლებს კვლავ შეეძლებათ სხვადასხვა AI მოდელის, ჩიპისა და ღრუბლოვანი სერვისის არჩევა.

ცნობისთვის, Hugging Face-ის ბოლო საჯარო შეფასება 2023 წელს $4.5 მილიარდი იყო.

წყარო: reuters